قصيدة بعنوان فيك كل شئ

فيك كل شئ


طوعت فيك القول يا خالدة علي مر الدهر
يا خالدة دونك أنتي شئ و الما معاك ما
بساوي شئ
خليه قولي وقولي لي امت السفر لمكان بعيد
بالنسبة لي هو كل شئ
خاتيك في عيون الوجعه بلسم راسمك في شفاه
المأساة بسمة
شايفك أنتي في كل نجمة تهديني في طول
المسافة
اسمك في لسان الفقره تسبيحه وعندي أنتي
الاسما غاية
بسأل عليك في كل عيون الوحشة حب شايفك
كمان في فوق الغيوم
صوتك هديل فرحت قلوب عينيك قمر ساب
المدار
فيك الحواجب يا سلام حتى الهلال
شافن خجل قال السلام
خصرك يفوق خصر الغزال مشيك بشيش
فيه الوقار والاحترام
سنك فلج خشمك زهر فتح أصيل
رمشك غزير
نهديك حنان ليمون نبت داساه من عين الشمس
زى طفله ما عرفت حلم
فيك السمار زادك جمال خدك كمان لسع ندي
سمحة الطبيعة ألفيك كمان سمح الصبر
كاسيك حياء
فيك أنتي يا زينة البنات يا نسمة فاحت بالعبير
ينبوع حنان
حيران معاك لو بسالك ما عارفة شئ ظاهر
عليك ما عارفة شئ
لكني ما بقدر أقول فيك كل شئ خايف
أخونك وانسى شئ