جه الامتحان

مناسبة القصيدة (كتبة هذة القصيدة لي زميلةتدرس معي في الكلية لانة اخبرتني زات يوم انها تنتظر الاجازة الفصليه بفارغ الصبر فكتبة لهاهذة الابيات)

جه الامتحان


جه الامتحان كتم الحنين خلى القلب عطشان هواك
جه الامتحان خلاني احسب إمت تاريخ البعاد
ترحل تسيب قلبي الجريح ويقاسي ويلات العذاب
تحرق مشاعري وابكي دم
بحرد كلامي و إي زول غيرك شبح يعدم شبابي
وتضمحل
حتى الحروف الغالية في وصفك تجيد
لأنو يوم آخر جرس تسليم ورق
حيكون هو آخر يوم فرح
حيكون خلاص حصل اللي ما كان هو مراد
جات الاجازه وأنتي ماف
لا شوفه تفرح للقليب
لا نظرة من نظرات عينيك
ما كان بجوز من غير أجازه نمتحن
ونمد بساط الريد درب
الامتحان ما ريد عينيك
لا من أكون انا ليك أجابه وأنتي لي أصعب سؤال
الجامعة من دونك وهم ضلمه وكمان سكت جهل
حزنت شجيرات الرصيف وبكت فراق
ما كان بكاها عشان فراقنا نزلن صفيقات زي دموع
لكن بكت فقدان عيونك يا جميل
عم الجفاف كل المدارس والفصول
حرقت زهور كل الرياض علشان غيابك يا دلال
وقفت تغاريد الطيور علشان هزار الروض رحل
و جه الامتحان ما كان يجوز نقرئ الفصول كله
وتجي الاجازه عدل بخيت في بيت حلال
جرتك كمان زقروته و الدف والصفيق لمت بنات والعز أهل
جه الامتحان وله وخلاص جات الاجازه وكلي خوف
ست البنات خبرها انقطع وبقينا لا حس لا خبر
نسأل عليك في كلو هبت ريح نظن ممكن تكون يوم زارتك
نرسل سلامنا مع القمر يومو الطلع بدر التمام
قلت ليه سلم للحنينه غرين هواك الضوها جاهر ضياك
بلغ سلامي وألف شوق من قلبي لي للزينة هناك
بلغ وقول انو الحنين لسع حزين لسع سجين حبك سكن
كره الديار الفيها والعز بالأهل
راجيكي يا ست البنات لو مره بس في الطيف تزور
تنعش قلوب متعوده تسمع كلامك وضحكتك
تتنسمك ريحة دعاش رشت مطر
ونسيم هواك
ذوق ريده عمت روح فرح بهجت قليب
ورجع سؤال يا غالية كيف الصحة والبيت والأهل
كيف يمه شجرة عزنا
ضل المحنه وعطفها
وأبونا واسوق الفرح
بكدح كتير وسط الهجير
شان نحن نسعد وشملنا
ورجع سؤال يالسمحة كيف الحال بعد يوم الفراق
هل لسع قلبك زي زمان كاتم هواي
ولا زي قليب ساكن حزن و الآهة تفضحو بالحنين
يا ريت تكوني بخير يا قلب وانا خلي بقدر للبعاد
ما دام هواك جواي سكن
ما دام هواك بيدخو قلبي وساري في دم العروق



كلمات /عمر عبداللة آل قصابي

قراءنا الاعزاء ردودكم تدفعنا للاحسن